नरपानीमा कार दुर्घटना: तीनजनाको मृत्यु , दुई घाइते

सन्धिखर्क : सन्धिखर्कको नरपानीमा कार दुर्घटना हुँदा ३ जनाको मृत्यु भएको छ । गोरुसिङ्गे-सन्धिखर्क सडकखण्डको नरपानीमा बुधबार करिब ९ बजेतिर  बा १७ च ६९१७ नम्बरको कार दुर्घटना हुँदा ३ जनाको मृत्यु भएको स्थानीय प्रकाश महत्राले जानकारी दिए । दुर्घटनामा २ जना घाइते भएका छन्।  कार रुपन्देहीको सैनामैनाबाट सन्धिखर्क आउँदै थियो । 

घटनामा २ जना पुरुष १ जना महिलाको मृत्यु भएको र उनीहरुको पहिचान हुन बाँकी छ । घाइतेलाई उपचारका लागि प्राथमिक स्वास्थ्य केन्द्र पठाइएको जिल्ला प्रहरी कार्यालयका प्रहरी नायब उपरीक्षक प्रकाश बिष्टले बताए । प्रहरी र स्थानीयको सहयोगमा घाइतेहरुको उद्दार गरिएको हो।