जनकपुरधाम : प्रदेश २ का नव नियुक्त प्रदेश प्रमुख तिलक परियारले पदभार ग्रहण गरेका छन्। बुधबार बिहान जनकपुरधाम आइपुगेका प्रमुख परियारलाई प्रदेश प्रमुखको कार्यालयमा प्रदेश सरकारका भौतिक पूर्वाधार मन्त्री जितेन्द्र सोनालले स्वागत तथा अभिनन्दन गरेका थिए । मन्त्री सोनलले स्वागत तथा अभिनन्दन गरे लगत्तै नेपाली सेनाको एक टुकडीले प्रदेश प्रमुख परियारलाई सलामी दिए ।
प्रदेश प्रमुख तिलक परियारले पदभार ग्रहण गर्दै उनले संविधान सम्मत प्रदेश काम गर्ने बताए । उनले भने, 'प्रदेशको समृद्धि र सुखी नेपालीका लागि एक ढिक्का भएर जनताको लागि काम गर्नेछु, विगतमा म कुनै पार्टीमा थिए, तर अब म पार्टीको नेता कार्यकर्ता रहीन, म राष्ट्रको सेवक सिपाही भएकाले राष्ट्र हितमा आउने विधेयक अध्ययन गरेर संधिवान सम्मत रहे प्रमाणिकरण गर्नेछु ।'
परियारले प्रदेश मात्र नभई देशकै सुख, समृद्धि र विकासमा सरकारलाई दिशानिर्देश गर्ने बताए । जनकपुर विमानस्थल प्रदेश प्रमुख नवनियुक्त तिलक परियारलाई उपप्रधान तथा स्वास्थ्य मन्त्री उपेन्द्र यादव र मुख्यमन्त्री लालबाबु राउतले स्वागत गरेका थिए।
प्रतिक्रिया दिनुहोस !
