विदाइ कार्यक्रममा झाले भने- निजामतिबाट आएको हुँ, अभ्यत छु, विचलित छैन

रुपन्देही : पाँच नम्बर प्रदेशको प्रदेश प्रमुखबाट पदमुक्त भएका उमाकान्त झाले संघीय सरकारले गरेको निर्णयबाट आफू विचलित नभएको बताएका छन् । उनले यस्ता प्रक्रिया आफूले बेलाबेला भोगिरहेको सुनाए । बुधबार प्रदेश प्रमुख कार्यालयमा भएको आफ्नो विदाइ कार्यक्रममा झाले भने, 'निजामति कर्मचारीबाट आएकाले यस्ता प्रक्रियाबाट अभ्यस्त भइसकेको छु । त्यसैले यसबाट म अथवा कोही पनि विचलित हुनुपर्ने आवश्यक छैन ।'

पदमा रहँदा आफूले संविधानको पूर्ण पालना गरेको भन्दै उनले पूर्व राष्ट्रपति रामवरण यादवलाई सम्झे । 'म जतिबेला यहाँ प्रदेश प्रमुख भएर आउन लागेको थिएँ । त्यसबला पूर्वराष्ट्रपतिसँग संयोगले भेट भयो । उहाँ मेरो गाउँ नजिकैको हुनुहुन्छ ।'
पूर्वराष्टपति यादवले बताएको कुरा सुनाउँदै भने, 'अब त तिमिले संविधान सिरानी मुनि राखेर सुत्नुपर्छ ।कतिबेला संविधानको आवश्यकता पर्छ । तिमीले संविधानको अक्षरस पालना गर्नुपर्छ।'

पूर्वराष्ट्रपतिले भनेझै आफूले संविधानको अक्षरस पालना गरेर काम गरेको झाले दाबी गरे । प्रदेश प्रमुखको रुपमा कार्यरत रहँदा आफूले सबैको सहयोग पाएको उनले बताए । झाले जनचाहाना अन्तर्गत संघीयता कार्यान्वन भइसकेको भन्दै तीनवटै तहका सरकार क्रियाशिल भएको उल्लेख गरे । 

उनले पाँच नम्बर प्रदेशको पहिलो प्रदेश प्रमुख हुँदा गौरवाम्वित भएको सुनाए । विदाइ कार्याक्रममा आन्तरिक मामिला मन्त्री कुलप्रसाद केशी, भूमिव्यवस्था कृषि तथा सहकारी मन्त्रीसहित सहभागी थिए।