भक्तपुर : साझा पार्टीले भक्तपुरमा उम्मेदवारी दर्ता गरेको छ। मंसिर १४ गते हुने उपनिर्वाचनका लागि पार्टीको तर्फबाट भक्तपुर-१ 'क' मा सामाजिक अभियन्ता सुरज प्रधानले उम्मेदवारी दर्ता गरेका हुन्।
निर्वाचन अधिकृतको कार्यालयमा उम्मेदवारी दर्ता गर्नुअघि साझाले सिद्ध पोखरीबाट केन्द्रिय नेता तथा अभियन्ताहसहितको मौन र्याली प्रदर्शन गरेको हो। मौन र्यालीमा पार्टीका नेताहरु किशोर थापा, समीक्षा बास्कोटा, प्रकाशचन्द्र परियार, शोभा शाक्य, केशब दाहाल,मानबी पौडेल, शरदराज पाठक लगायतको सहभागिता थियो।
राष्ट्रिय झन्डा, पार्टीको झन्डा र सांकेतिक तराजुसहितको र्यालीले यात्रु तथा सवारी साधनलाई सहजकासाथ आवतजावत गराएको पार्टीका नेता प्रकाशचन्द्र परियारले जानकारी दिए। उनका अनुसार निर्वाचन अधिकृतको कार्यालयमा प्रवेश गर्नुअघि पार्टीकी नेता समीक्षा बास्कोटाले उम्मेदवार सुरज प्रधानलाई माटोको टिका लगाएर विजयीको शुभकामना दिइन्।
प्रतिक्रिया दिनुहोस !
