निजगढ : नेपाली भूमि आफ्नो नक्सामा राखेको भन्दै बाराको निजगढमा नेकपा निकट युवा संगठनको नेतृत्वमा भारतविरुद्ध र्याली निकालिएको छ । भारतले हालै सार्वजनिक गरेको नयाँ नक्सामा नेपाली भूमि लिपुलेक, कालापानी, लिम्पीयाधुरालाई आफ्नो देशको नक्सामा राखेको भन्दै राष्ट्रिय युवा संघ नेपाल निजगढ नगर कमिटिको अगुवाईमा विरोध र्याली निकालिएको हो ।
भारतीय विस्तारवाद, सीमा अतिक्रमण र हेपाहा प्रवृतिविरुद्ध र्याली निकालिएको भन्दै युवा संघका कार्यकर्ताले सरकारले तत्काल कुटनीतिक पहल गरि आफ्नो भूमिको रक्षा गर्नुपर्ने बताएका छन् । र्याली बजार परिक्रमा गरी निजगढ बजारमा कोणसभामा परिणत भयो।
र्यालीमा सहभागीले भारतविरुद्ध चर्को नारा लगाएका थिए । र्यालीमा नेकपाका नेता कार्यकर्ता, युवा संघ नेपालका जिल्ला र स्थानीय कार्यकर्ताको सहभागिता रह्यो।
प्रतिक्रिया दिनुहोस !
