धनबहादुर भण्डारी
डडेल्धुरा : डडेल्धुरामा अनसनरत डा. गोविन्द केसीले उठाएका माग यथाशिघ्र पूरा गुर्नुपर्ने भन्दै सर्वसाधारणले सिठी जुलुस निकालेर बजार परिक्रममा गरेका छन् ।
सरकारले डा. केसीको आन्दोलनलाई महत्व नदिएको भन्दै सांकेतिक रुपमा सिठी जुलुसको आयोजना गरिएको नागरिक समाज डडेल्धुराले जनाएको छ । डा. गोविन्द केसीले उठाएका माग विपन्न र निमुखा जनताका लागि भएको भन्दै डडेल्धुरा र छिमेकी जिल्लाका विभिन्न सघंसस्थाले ऐक्यवद्धता जनाएका छन् ।
शनिबार जिल्ला सदरमुकाम डडेल्धुरामा आयोजना गरिएको सिठी जुलुसमा पनि उनीहरु सहभागी भएका छन् । कैलालीका नागरिक समाजका प्रतिनिधी, प्रध्यापक सघंका प्रतिनिधी र काठमाडौंबाट एचआईभी संक्रमित अभियन्ता आन्दोलनमा सहभागी भएका छन् ।
यस्तै डोटी, कञ्चनपुर लगायत जिल्लाबाट पनि डा. केसीको आन्दोलनमा समर्थन जनाउन सर्वसाधारण आएका थिए । डडेल्धुरा अस्पतालको आकस्मिक कक्षमा अनसनरत डा. केसीको स्वास्थ्य अवस्था भने नाजुक बन्दैगएको अस्पतालका जितेन्द्र्र कंडेलले बताए । अस्पतालमा आईसियुको व्यवस्था नहुँदा जटिल अवस्था सिर्जना हुनसक्ने खतरा रहेको उनले जनाए ।
प्रतिक्रिया दिनुहोस !
