बसले मोटरसाइकललाई ठक्कर दिँदा श्रीमान्को मृत्यु, श्रीमती घाइते
कात्तिक २४, २०७६ आइतबार १५:५१:०
पथलैया : बाराको पथलैयामा आइतबार दिउँसो बसले मोटरसाइकललाई ठक्कर दिँदा एकको मृत्यु भएको छ । दुर्घटनामा एक महिला घाइते भएकी छिन। दुर्घटनामा परेका दुबै श्रीमान् श्रीमती हुन्। पथलैया(अमलेखगञ्ज सडकखण्डअन्तर्गत जीतपुरसिमरा उपमहानगरपालिका १ स्थित आधाभार नजिक जंगलमा दुर्घटना हुँदा हेटौंडा ४ का उदयराज सापकोटाको घटनास्थलमै मृत्यु भएको हो ।
दुर्घटनामा दुर्गा सापकोटा घाइते भएकी छिन। गम्भीर घाइते उनको सिमरस्थित अल्पाइन अस्पतालमा उपचार भइरहेको छ । प्रहरी चौकी पथलैयाका अनुसार वीरगन्जबाट हेटौडातर्फ जाँदै गरेको ना ७ ख २०२ नम्बरको बसले विपरित दिशाबाट आइरहेको ना५५प ६४४१नम्बरको मोटरसाइकललाई ठक्कर दिएको हो । दुर्घटनालगत्तै प्रहरीले घाइते महिलालाई उद्दार गरि अस्पताल पठाएको थियो ।
इलाका प्रहरी कार्यलय सिमराका प्रहरी नायब उपरीक्षक गोविन्द पुरिले मृतकको शव शल्यपरीक्षणका लागि वीरगन्जस्थित नारायणी अस्पताल पठाइएको जानकारी दिए।
प्रतिक्रिया दिनुहोस !
