काठमाडौं : नेपाल कम्युनिस्ट पार्टी (नेकपा) शीर्ष नेता आइतबार गोसाईंकुण्ड पुगेका छन् । नेकपा वरिष्ठ नेता एवम् पूर्वप्रधानमन्त्री झलनाथ खनाल, सचिवालय सदस्य एवम् प्रवक्ता नारायणकाजी श्रेष्ठ, स्थायी समिति सदस्य युवराज ज्ञवालीलगायत हेलिकप्टरमा गोसाईकुण्ड पुगेका हुन् । गोसाईंकुण्ड पुगेपछि नेकपा प्रवक्ता श्रेष्ठले तस्बिर ट्विटरमार्फत् सार्वजनिक गरेका छन् ।
गोसाईंकुण्डको यात्रा रमाइलो र आनन्ददायक भएको प्रतिक्रिया श्रेष्ठको छ । ‘संसारको औंलामा गन्न सकिने सुन्दर देशमध्ये एक हाम्रो देश नेपालको मनोरमस्थल गोसाईंकण्डको आजको यात्रा रमाईलो र आनन्ददायक रह्यो’, नेता श्रेष्ठले ट्विटरमा लेखेका छन् ।
नेकपा वरिष्ठ नेताका साथमा नुवाकोटका जनप्रतिनिधि र आफन्तसमेत गोसाईंकुण्ड पुगेका थिए ।
प्रतिक्रिया दिनुहोस !
