रौतहटको मठिया प्रहरी चौकीमा बम विष्फोट : प्रहरी जवान घाइते
कात्तिक २६, २०७६ मंगलबार १५:४:०
रौतहट: रौतहटको इशनाथ नगरपालिकामा रहेको मठिया प्रहरी चौकीमा बम विष्फोट भएको छ ।
मंगलबार दिउँसो बम विष्फोट हुँदा प्रहरी जवान रन्जित यादव घाइते भएका छन् । बम प्रहार गर्ने भारत बिहारको ढाका घर भएका भारतीय नागरिक चन्दनकुमार पक्राउ परेका छन् ।
प्रहरी चौकी मठिया इसनाथ नगरपालिका ४ मा पर्दछ । नेपाल भारत सीमा नजिकै चौकी रहेको छ । चौकी अगाडी सेन्ट्री बसेका प्रहरीलाई लक्षित गरी बम प्रहार गरेका हुन् ।
मोटरसाइकलमा आएका युवाले प्रहरीलाई लक्षित गरेर बम प्रहार गरेका हुन् । प्रहरीले भारतीय नम्बरको मोटरसाइकलसमेत बरामद गरेको छ । घटनाको विषयमा अनुसन्धान भइरहेको प्रहरीले जनाएको छ ।
प्रतिक्रिया दिनुहोस !
१
