त्रिवि उपकुलपतिलाई नेविसंघको प्रश्न : चारवर्षे कार्ययोजना खोइ ?
कात्तिक २८, २०७६ बिहीबार १७:५९:०
काठमाडौं : नेपाल विद्यार्थी संघले त्रिभुवन विश्वविद्यालयका उपकुलपतिसँग चार वर्षभित्रमा गर्ने कामको योजना सार्वजनिक गर्न माग गरेको छ ।
बिहीबार उपकुलपति प्रध्यापक डा. धर्मकान्त बास्कोटालाई ज्ञापनपत्र बुझाउँदै यस्तो माग गरेको हो । संघ विश्वविद्यालय इकाइका सभापति हरि आचार्यको नेतृत्वमा गएको टोलीले सात बुँदे ज्ञापनपत्र बुझाएको हो । उसले १५ दिनभित्रमा मार्गचित्र सार्वजनिक गर्न पनि माग गरेको छ ।
पछिल्लो समय विश्वविद्यालय परिसरमा असुरक्षा बढेको, विश्वविद्यालयको भौतिक सम्पत्तिको दुरुपयोग भएको लगायत विषयम पनि बास्कोटालाई ध्यानाकर्षण गराएको थियो ।
विद्यार्थीलाई क्रेडिट ट्रान्सफरको व्यवस्था गरिनुपर्ने, स्वतन्त्र विद्यार्थी युनियनको निर्वाचन गराउन पहल गर्नुपर्ने माग पनि नेविसंघले गरेको छ । ज्ञापनपत्र बुझ्दै उपकुलपति बास्कोटाले त्रिविका सरोकारवालासँग छलफल गरेर अघि बढ्ने बताएका थिए ।
प्रतिक्रिया दिनुहोस !
