काठमाडौं : नेपाल भ्रमण वर्ष २०२० लाई लक्षित गरी प्रादेशिक हवाई उडानलाई छुट दिइने भएको छ । नेपाल भ्रमण वर्ष २०२० को मुल आयोजक समितिको पाँचौं बैठकमा बोल्दै पर्यटन मन्त्री योगेश भट्टराईले एक प्रदेशबाट आर्को प्रदेशमा उडान गर्ने आन्तरिक वायुसेवालाई सरकारले प्रबर्द्धन गर्ने बताए ।
आगामी हप्ता १० दिन भित्रमा उडानमा छुट दिने मन्त्री भट्टराईले बताए । मन्त्री भट्टराईले भने, 'निर्माण अन्तिम चरणमा पुगेको भैरहवास्थित गौतमबुद्ध बिमानस्थलबाट उडान र अवतरण गर्ने विदेशी वायुसेवालाई पनि आकर्षक छुट दिइनेछ।'
के कति छुट दिने भन्ने विषयमा पनि मन्त्री भट्टराईले १० दिन भित्रमा सरकारले निर्णय गर्ने जानकारी दिए ।
प्रतिक्रिया दिनुहोस !
