धरानः धरानमा उपमहानगरप्रमुख र वडा नम्बर ७ का वडा अध्यक्षको चयनका लागि शनिबार निर्वाचन हुँदैछ । निर्वाचन कार्यालयले अन्तिम तयारी गरेको र भयरहित वातावरणमा निर्वाचन गराउन नेपाली सेना, सशस्त्र र नेपाल प्रहरीले सुरक्षा दिने बताएको छ ।
निर्वाचन हुने अघिल्लो दिन आज धरानमा कतै मतदाता परिचय पत्र बाँडिदै गरेको, कतै सेनाको गस्ती त कतै मतदान स्थलमा मतदान केन्द्र बनाउँदै गरेको दृष्यले चुनावी माहोल बढेको देखियो ।
मुुख्य निर्वाचन अधिकृत राधाकृष्ण उप्रेतीका अनुसार २८ मतदान स्थलमा ९० केन्द्रहरु ताेकिएको छ । धरानमा पछिल्ला १३ हजार ५ सय ७१ थपसहित ९२ हजार ८ सय ५३ मतदाता रहेको उप्रेतीले जानकारी दिए ।
प्रतिक्रिया दिनुहोस !
