बाजुरा : बाजुरा जिल्लाको त्रिवेणीनगरपालिका-१ छतारामा रहेको छतारादेवी आधारभूत विद्यालयमा भएको उपनिर्वाचन शान्तिपूर्ण वातावरणमा सम्पन्न भएको मुख्य निर्वाचन अधिकृतको कार्यालय त्रिवेणीले जनाएको छ।
शनिबार बिहान ७ बजे सुरु भएको मतदानमा मतदाताले उत्साहका साथ सहभागी भएका मतदाताले ५ बजेसम्म मतदान गरेको मदतान अधिकृत भोलाराज रेग्मीले जानकरी दिए।
वडामा रहेका १ हजार ३९ जना मतदाता मध्ये ७ सय २७ मत खसेको निर्वाचन अधिकृत रेग्मीले बताएको छ। रेग्मीका अनुसार ३ सय ४४ पुरुष र ३ सय ८३ महिलाले मतदान गरेको छन्। ३ सय १२ मतभने खस्न सकेन।
तत्कालीन वडाध्यक्ष खम्म नेपालीको २०७५ असार १३ गते जीप दुर्घटना मृत्यु भएको थियो। मतपत्र मुख्य निर्वाचनको कार्यालयमा त्रिवेणी नगरपालिकामा ल्याइएको छ।सर्वपक्षीय सहमतिपछि ७ बजेबाट मत गणना सुरु हुने सहायक मतदान अधिकृत लोकबहादुर रावलले जानकारी दिए। 
प्रतिक्रिया दिनुहोस !
