बेंसीसहर : लमजुङको सुन्दरबजार नगरपालिका वडा नं २ को वडाअध्यक्ष पदमा नेकपाका उम्मेदवार नवीन कुमार श्रेष्ठ विजयी भएका छन् ।
९ सय ८९ मत प्राप्त गरी श्रेष्ठ विजयी भएका हुन् । उनका प्रतिद्वन्दी नेपाली काँग्रेसका प्रकास सेढाईले ४ सय ८४ मत ल्याएका छन् । राप्रपाका पवनराज बसौलाले १६, मंगल नेसनल अर्गनाइजेसनका राम्जी दर्जीले ८, काँग्रेसबाट छुट्टिएर बनेको स्वतन्त्र समूहका तर्फबाट उम्देवार बनेका कृष्णबहादुर केसीले १२ मत प्राप्त गरेका छन् ।
१२ मत बदर भएको छ । लमजुङमा भएको निर्वाचनमा ६६ दशमलव २६ प्रतिशत मतदान भएको थियो । दुई वटा मतदानस्थलको तीनवटा मतदान केन्द्रमा गरी १ हजार ५ सय २३ मत खसेको हो ।
यहाँ कुल २ हजार २ सय ९७ मतदाता थिए । महेन्द्र मन्दिर माविको मतदान केन्द्र क ४ सय ३६, मतदान केन्द्र ख मा ४ सय १८ र कान्ति मन्दिर मतदान केन्द्रमा ६ सय७लदकउस ६ जनाले मतदान गरेका छन् । मतदानमा महिला ८ सय ६२ र पुरूष ६ सय ६१ जनाले मतदान गरे ।
यसअघि वडाअध्यक्ष पदमा निर्वाचित नेकपाका लोकराज पाण्डे जिल्ला समन्वय समितिमा निर्वाचित भएपछि वडा अध्यक्ष पद खाली रहेको थियो । वडा अध्यक्ष पदका लागि नेकपाको तर्फबाट नवीनकुमार श्रेष्ठ, कांग्रेसका तर्फबाट प्रकाश सेढाइँ, राप्रपाका पवनराज बसौला, मंगोल नेशनल अर्गनाइजेशन पार्टीका रामजी दर्जी र काग्रेसबाट छुट्टिएर बनेको स्वतन्त्र समूहका तर्फबाट कृष्णबहादुर केसीले उमेद्वार रहनु भएको थियो । वडामा २ हजार १ सय २४ मतदाता रहेकोमा उपनिर्वाचनमा मतदाता संख्या २ हजार २ सय ९७ पुगेको थियो।
प्रतिक्रिया दिनुहोस !
