बैतडी : बैतडीको सुर्नया गाउँपालिका-१ मा नेपाली कांग्रेसका उम्मेद्वारा गजेन्द्रबहादुर चन्द विजयी भएका छन्। २१९ मत ल्याएर चन्द विजयी भएका हुन्।
उनका निकटतम् प्रतिद्वन्द्वी नेकपाका धनबहादुर चन्दले २१५ मत ल्याएका छन् भने ४ मत बदर भएको मुख्य निर्वाचन अधिकृत ईश्वरीप्रसाद भण्डारीले जानकारी दिए।
सुर्नया १ मा ६१९ मतदाता मध्ये ४३८ मत खसेको थियो। सो वडामा नेपाली कांग्रेसबाट निर्वाचित वडा अध्यक्ष कलशबहादुर चन्दको मोटरसाइकल दुर्घटना परी निधन भएकाले उपनिर्वाचन भएको हो।
जिल्लाको दोगडाकेदार गाउँपालिका ४ र पुर्चौंडी नगरपालिका ४ मा पनि केहीबेरमा मतगणनाको तयारी भईरहेको मुख्य अधिकृत भण्डारीले बताए।
सुर्नया गाउँपालिका १ को वडा अध्यक्षमा विजयी गजेन्द्रबहादुर चन्द। फाइल तस्बिर
प्रतिक्रिया दिनुहोस !
