दैलेख : सुर्खेत-दैलेख सडकखण्ड अन्तरर्गत दैलेखको गुराँस गाउँपालिका–४ स्थित रानीमत्ता चेकपोस्टबाट प्रहरीले ब्राउन सुगरसहित चारजनालाई पक्राउ गरेको छ ।
चन्दननाथ नगरपालिका जुम्लाका २४ वर्षीय रवीन मल्ल, २२ वर्षीय शालिकराम महत, १८ वर्षीय सौगात कार्की र राराछायाँनाथ नगरपालिका मुगुका २३ वर्षीय महेलाल साँउदलाई पक्राउ गरिएको डिएसपी हरिबहादुर ओलीले जानकारी दिए ।
शंकास्पद रुपमा भेटिएका चारै जनालाई ११ ग्राम ५० मिलीग्राम ब्राउनसुगर सहित पक्राउ गरिएको डिएसपी ओलीले बताए । चारै जनालाई दैलेख जिल्ला अदालतबाट म्याद थप गरी थप अनुसन्धान थालिएको दैलेख प्रहरीले जनाएको छ ।
प्रतिक्रिया दिनुहोस !
