महेन्द्रनगर : महाकाली नगरपालिकामा हात्ती आक्रमणबाट दुईजना महिलाको मृत्यु भएको घटना सेलाउन नपाउँदै बुधबार राती कञ्चनपुरको बेदकोट नगरपालिका २ मुक्त कमैया शिविरमा हात्तीको आक्रमणबाट एकजना वृद्ध घाइते भएका छन्।
राती १ बजेतिर आएको हात्तीको आक्रमणबाट सीताराम डगौरा घाइते भएका हुन्। उनको महाकाली अस्पताल महेन्द्रनगरमा उपचार भइरहेको बेदकोट नगरपालिका २ का वडा अध्यक्ष नरेश सिंहले बताए । घाइते डगौराको घरमा समेत क्षति पुगेको उनको भनाइ छ ।
पछिल्लो केही महिनायता कञ्चनपुरमा हात्ती आतंक बढेको छ । केही महिनाअघि कञ्चनपुरको शुक्लाफाँटा नगरपालिका १ मा पनि हात्तीको आक्रमणबाट एक वृद्धले ज्यान गुमाएका थिए । हात्तीको आक्रमणबाट कञ्चनपुरको बेदकोट नगरपालिकाकी एक महिला पनि घाइते भएकी थिइन्।
प्रतिक्रिया दिनुहोस !
८
