काठमाडौं : नयाँ अविस्कार र टेक्नोलोजी आजको युगको आवश्यकता बनेको छ। मोबाइल, ल्यापटप, टेलिभिजनबिना मानिस अधुरा छन् । बच्चा, युवा र वृद्ध जो कोही उमेरका मानिसरलाई टेक्नोलोजीको लत लागेको छ । मानिस सानो काम गर्न पनि अहिले मोबाइलको सहायता लिने गर्छन् । दिन प्रतिदिन मानिसलाई नयाँ आविस्कार र यन्त्रले अल्छि बनाइरहेको छ ।
टेक्नोलोजीलाई सही ढंगमा प्रयोग गर्न नसक्नुकै कारण मानिसमा अनेकौ रोग देखिएको अनुसन्धानमा खुलेको छ । एकै ठाउँमा धेरै समयसम्म बसेर मोबाइल चलाउनु आजका नयाँ पुस्ताको आवश्यकता बनेको छ । यसले उनीहरुमा अनियन्त्रित तौल, गर्द्धन र कम्मरको दुखाई बढाइरहेको हुन्छ ।
सफदर जंग अस्पताल भारतमा गरिएको अनुसन्धानमा ६० प्रतिशत मानिसमा मस्कुलोस्केल्टन डिसअर्डर देखिएको छ । गलत तरिकाले ग्याजेटको प्रयोगले हाड जोर्नी, गर्दन र सर्वाइकलजस्ता समस्या देखा परेको खुलेको छ ।
मोबाइलको डिस्प्ले ६० डिग्री भन्दा बढी मोडेर चलाउने बानीले यस्ता समस्या निम्त्याउने गर्छ । निरन्तर त्यसरी हड्डी मोडेर मोबाइल चलाउँदा गर्द्धनको दुखाई असामान्य रुपमा बढ्छ ।
मोबाइल र ल्यापटपको प्रयोगबाट हुने समस्याबाट छुटकारा पाउन
– क्म्युटर वा ल्यापटप स्क्रिन र आफू बिच करीब ८० सेन्टि मिटरको दुरीमा चलाउने ।
– मोबाइल र आफ्नो काँध च्यापेर प्रयोग नगर्ने । मोबाइलमा कुरा गर्दा एरफोनको प्रयोग गर्नु धेरै राम्रो हुन्छ ।
– मोबाइल र ल्यापटपमा बिना काम लामो समयसम्म च्याट र गेम खेल्नुको सत्ता शारीरिक कसरतमा ध्यान दिनु पर्दछ ।
प्रतिक्रिया दिनुहोस !
