नुवाकोट : त्रिशूली जलविद्युत गृहका लागि पानी ल्याइएको नहरमा डुबेर नुवाकोटमा एक बाललको मृत्यु भएको छ।
विदुर नगरपालिका-७ तुप्चे घर भएर स्थानीय पायोनियर अंग्रेजी विद्यालयको कक्षा ७ मा अध्ययनरत १४ वर्षीय शंकर तामाङको नहरमा डुबेर मृत्यु भएको हो।
बहिनीसँग हिड्दै गरेका बालक त्रिशूली जलविद्युतको नहरमा खसेका थिए। उनको तत्काल उद्धार हुन नसक्दा त्यही मृत्यु भएको जिल्ला प्रहरी कार्यालय नुवाकोटका प्रवक्ता नयव उपरीक्षक राजेश थापाले जानकारी दिए।
उनको शव खसेको ठाउँभन्दा दुई किलोमिटर दक्षिणमा भेटिएको हो। मृतक बालकको शवको नुवाकोट जिल्ला अस्पताल त्रिशूलीमा पोष्टमार्टम गरिएको छ।
प्रतिक्रिया दिनुहोस !
