धनगढी : कैलाली प्रहरीले लागूऔषध खैरोहिरोइनसहित तीनजनालाई पक्राउ गरेको छ । कैलालीको जानकी गाउँपालिका १ को दुर्गौली सडकखण्डबाट लागूऔषध खैरोहिरोइनसहित ३ जालाई पक्राउ गरिएको हो ।
पक्राउ पर्नेमा भारतको लखिमपुर खिरी घर भएका ४६ वर्षीय सुनिल गुप्ता, कैलालीको लम्कीचुहा नगरपालिका १ का ३६ वर्षीय राजु अवस्थी र लम्कीकै २१ वर्षीय असलम कुरेसी रहेको जिल्ला प्रहरी कार्यालयका प्रहरी निरीक्षक प्रकाश कार्कीले जानकारी दिए ।
उनीहरुको साथबाट २० ग्राम ३ सय २० मिलिग्राम खैरोहिरोइन लुकाइछिपाइ ल्याउँदै गरेको अवस्थामा बराम गरेको हो।
यस्तै युपी ३१ के ८९७२ नम्बरको भारतीय मोटरसाइकल र अस्थायी नम्बर स्टेट २-०३-लम्की-००५ प ७७२६ भएको मोटरसाइकल पनि बरामद गरेको कैलाली प्रहरीले जानकारी दिएको छ।
प्रतिक्रिया दिनुहोस !
