सुर्खेत : नेपाल कम्युनिस्ट पार्टी (नेकपा)का सुर्खेत जिल्ला सदस्य गणेश नेपालीको मोटरसाइकल दुर्घटनामा परी मृत्यु भएको छ । लेकवेशी ५ नेटाका नेपालीको उपचारका क्रममा मंगलबार मृत्यु भएको हो । नेपालगन्जबाट कोहलपुर आउने क्रममा नेपाली सोमबार मोटरसाइकल दुर्घटनामा परेका हुन् ।
उनको कोहलपुर मेडिकल कलेजमा उपचारको क्रममा मृत्यु भएको पारिवारिक स्रोतले जानकारी दिएको हो । उनको शव मंगलबार सुर्खेतको दशरथपुरमा श्रद्धाञ्जलि दिएपछि अन्त्यष्टि गरिने छ । नेकपा सुर्खेतले नेपालीको सडक दुर्घटनामा भएको दुःखद निधनले स्तब्ध भएको जनाएको छ । २०३६ चैत २८ गते जन्मिएका नेपालीले २०४९ सालदेखि सक्रिय राजनीतिको यात्रा थालनी गरेका थिए ।
प्रतिक्रिया दिनुहोस !
