महालक्ष्मी सुगर मिलमा ताला

महालक्ष्मी सुगर मिलमा ताला

मलंगवा : सर्लाहीको गोडैता नगरपालिका ६ बगदहस्थित महालक्ष्मी सुगर मिलमा गोडैता नगरपालिकाका मेयर र किसान मिलेर ताला लगाएका छन् । किसानको गत वर्षको बक्यौता रकम भुक्तानी नै नगरी उद्योग सञ्चालन गर्न खोजेपछि मेयर देवेन्द्रकुमार यादव र किसान मिलेर बिहीबार तालाबन्दी गरेका हुन् । उद्योगमा बोलाइएको उद्योगपति र किसानबीचको भेलामा उद्योगपतिले उद्योग सञ्चालन गर्नुभन्दा पहिला भुक्तानी दिने कुनै छाँटकाँट नदेखिएपछि मेयर यादवको नेतृत्वमा गएका किसानले तालाबन्दी गरे । किसानले उखु तौल हुने शाखामा तालाबन्दी गरेका छन् ।

भुक्तानी नदिए कुनै पनि हालतमा उद्योग सञ्चालन गर्न नदिन तालाबन्दी गरिएको मेयर यादवले बताए । उद्योगपति वीरेन्द्र कनौडियाले मंगलबारभित्र पैसा पठाउने बताए पनि पैसा नदिएसम्म उद्योग सञ्चालन गर्न नदिने अडान मेयरको छ ।

गत वर्ष उखु दिएबापतको बाँकी भुक्तानी नदिएपछि उद्योग सञ्चालन गर्न नदिने उखु किसान मुकेश ठाकुरले बताएका छन् । पटक–पटक भएको सम्झौता उद्योगले पालना गरेको छैन । ४५ दिनमा भुक्तानी दिने भनिएकोे थियो । तर, ७÷८ महिना बित्तिसक्दा पनि कुनै सुनवाइ भएको छैन ।

भुक्तानीका लागि आन्दोलन गर्नु परे आफूहरू आन्दोलन गर्न तयार रहेको ठाकुरले बताए । भुक्तानी बिना उद्योग सञ्चालन गरे त्यसलाई रोक्न ज्यान दिन तयार रहेको उनले दाबी गरे ।

किसान भेलालाई सम्बोधन गर्दै उद्योगपति वीरेन्द्र कनोडियाले उद्योग र किसानबीच ठूलो विवाद नरहेको बताए । उनले पैसा दिन आफू तयार रहेको बताए । ‘तपाईंहरू महालक्ष्मी सुगर मिललाई धनकौलको अन्नपूर्ण चिनी उद्योगसँग तुलना गर्दै हुनुहन्छ’, कनोडियाले भने, ‘मलाई आश्चर्य लाग्दै छ ।’ भेलामा संघीय सांसद नागेन्द्रकुमार यादव, प्रदेश सभा सदस्य अशोककुमार यादव, बलरा नगरपालिकाका मेयर अभयकुमार सिंहलगायत सहभागी थिए ।


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.