सिन्धुली : सिन्धुलीको कमलामाई नगरपालिका-७ स्थित माझिटारमा गएराती एक किराना पसल, होटल र मासु पसलमा आगलागी भएको छ ।
आगलागीबाट १७ लाख बराबर क्षति भएको जिल्ला प्रहरी कार्यालय सिन्धुलीले जनाएको छ । तीनपाटन गाउँपालिका-२ का सेम श्रेष्ठको किराना, मासु पसलमा र तीनपाटन गाउँपालिका-६ का निरोज थापाको होटलमा अचानक आगलागी भएको प्रहरीले जनाएको छ ।
आगलागीबाट श्रेष्ठको किराना तथा मासु पसलमा १० लाख बराबरको क्षति भएको छ भने थापाको होटलमा रहेको खाद्यान्न, लत्ताकपडा जली ७ लाख बराबरको क्षति भएको प्रहरीले जनाएको छ ।
कमलामाई नगरपालिकाको दमकलसहित नेपाली सेना र स्थानीयको सक्रियतामा आगो राती नै नियन्त्रणमा लिइएको थियो ।
प्रतिक्रिया दिनुहोस !
