मलङ्वा : भारतबाट नेपालतर्फ ल्याउँदै गरेको लागु औषधसहित दुईजनालाई प्रहरीलाई पक्राउ गरेको छ। पक्राउ पर्नेमा गण्डकी नगरपालिका ३ का ३५ वर्षीय पुर्णबहादुर तामाङ र सुखला गण्डकी नगरपालिकावडा नम्बर ७ का ४३ वर्षीय यज्ञचन्द्र आले रहेको जिल्ला प्रहरी कार्यालय सर्लाहीका प्रहरी उपरीक्षक विश्वमणि पोखरेलले जानकारी दिएका छन् ।
बा १२ च ३५२७ नम्बरको कारमा लुकाइछिपाइ ल्याउँदै गरेको अवस्थामा उनीहरुलाई पक्राउ गरिएको हो । उनीहरुको साथबाट प्रहरीले फेन्साड्रील १०० एम एलको २ सय १० बोत्तल, नाइट्राभेट ट्याब्लेट ९ सय पिस, नेपाली रुपैयाँ ३ लाख ६७ हजार, हङ्कङ डलर २४ सेन्ट र मोबाइल ५ थान बरामद गरेको छ ।
भारतको इनर्वा गाउँ हुँदै नेपाल आउँदै गरेको अवस्थामा पर्सा गाउँपालिका ५ स्थित सवारी चेकजाँच गर्ने क्रममा प्रहरीले तमाङ र आलेलाई पक्राउ गरेको प्रहरी उपरीक्षक पोखरेलले बताए ।
पक्राउ परेका तमाङ र आलेलाई प्रहरी कार्यालयमा राखेर अनुसन्धान भइरहेको प्रहरीले जनाएका छन्।
प्रतिक्रिया दिनुहोस !
