काठमाडौं : राष्ट्रियसभा सदस्यको निर्वाचनअन्तर्गत सातै प्रदेशमा मतदान भइरहेको छ। कूल सदस्यमध्ये १८ पदका लागि बिहान १० बजेदेखि मतदान सुरु भएको हो ।
बागमती प्रदेशअन्तर्गत ललितपुर महानगरपालिका ४ समितिको भवनमा कायम गरिएको मतदान केन्द्रमा मुख्यमन्त्री डोरमणि पौडेलले पहिलो मतदाताका रुपमा मतदान गरेका छन् ।
यस प्रदेशमा रिक्त महिला र अन्य समूहमा तीन-तीन जनाका दरले छ जनाको उम्मेदवारी रहेको छ । प्रदेशसभा सदस्यतर्फ ११० र स्थानीय तह सदस्यतर्फ २३८ गरी ३४८ जना मतदाता छन् ।
प्रदेश २ का मुख्य मन्त्री लालबाबु यादव मतदान गर्दै । तस्बिर : गोविन्द महतो
यस्तै, सुदूरपश्चिम प्रदेश, प्रदेश ५, गण्डकी, कर्णाली, प्रदेश १, प्रदेश २ मा निर्वाचन शान्तिपूर्वक भइरहेको त्यहाँबाट हाम्रा सहकर्मीले जानकारी दिएका छन्। निर्वाचनमा नेकपा, कांग्रेस, समाजवादी पार्टी, राष्ट्रिय जनता पार्टी नेपाल, राष्ट्रिय जनमोर्चा र नेपाल मजदुर किसान पार्टीगरी ६ वटा राजनीतिक दलले भाग लिदैछन्।
प्रदेश १ मा रिक्त महिला, दलित र अन्य समूहमा ३/३ जनाका दरले जम्मा ९ जना उम्मेदवार, प्रदेश २ मा रिक्त महिला, दलित, अपाङ्गता भएका व्यक्ति वा अल्पसंख्यक र अन्य समूहमा २/२ जनाका दरले ८ जना उम्मेदवार, बागमती प्रदेशमा रिक्त महिला र अन्य समूहमा ३/३ जनाको दरले ६ जना उम्मेदवार छन्।
राष्ट्रियसभा सदस्य निर्वाचनका लागि बागमती प्रदेशअन्तर्गत ललितपुर मतदान केन्द्रमा मतदान गर्दै । तस्बिर : अशोक दुलाल
यस्तै ,गण्डकी प्रदेशमा रिक्त महिला समूहतर्फ २ र अन्य समूहतर्फ ३ गरी ५ जना उम्मेदवार, प्रदेश ५ मा रिक्त महिला समूहतर्फ २ जना, अपाङ्गता भएका व्यक्ति वा अल्पसंख्यक समूहतर्फ ३ र अन्य समूहतर्फ ४ गरी ९ जना उम्मेदवार चुनावी मैदानमा छन।
राष्ट्रियसभा सदस्य निर्वाचनका लागि बागमती प्रदेशअन्तर्गत ललितपुर मतदान केन्द्रमा लाइन लागेका मतदाता। तस्बिर : अशोक दुलाल
यस्तै कर्णाली प्रदेशमा रिक्त महिला र अन्य समूहमा २/२ जनाको दरले ४ जना उम्मेदवार र सुदूरपश्चिम प्रदेशमा रिक्त महिला र अन्य समूहमा २/२ जनाका दरले ४ जना उम्मेदवार प्रतिस्पर्धामा छन। महिला समूहतर्फ १६, दलितसमूहतर्फ ५, अपाङ्गता भएका व्यक्ति वा अल्पसंख्यक समूहतर्फ ५ जना र अन्य समूहतर्फ १९ गरी ४५ जना उम्मेदवार चुनावी प्रतिस्पर्धामा रहेको आयोगले जनाएको छ। २ नम्बर प्रदेशमा राजपासँग चुनावी तालमेल गरेको सत्तासीन नेकपाले राष्ट्र्यिसभा निर्वाचन जित्ने निश्चित छ।
राष्ट्रियसभा निर्वाचनका लागि गण्डकी प्रदेशको मतदान केन्द्रमा मत खसाल्दै मतदाता। तस्बिर : कृष्णमणी बराल।
राष्ट्रियसभा निर्वाचनका लागि मतदात गर्न सुदूरपश्चिम प्रदेशको मतदान केन्द्रमा लाइनमा उभिएका प्रदेश प्रमुख त्रिलोचन भट्टलगायत अन्य प्रदेशसभा सदस्य। तस्बिर : खगेन्द्रबहादुर सिंह
प्रतिक्रिया दिनुहोस !
