सन्धिखर्क : अर्घाखाँचीको शितगंगा नगरपालिकामा आफुनै ९ बर्षिय छोरीलाई जवरजस्ती बलत्कार गर्ने बाबुलाई जिल्ला अदालत अर्घाखाँचीले जन्म कैदको फैसला सुनाएको छ ।
अर्घाखाँची जिल्ला शितगंगा नगरपालीका वडा नं. ४ का एक ब्यक्तिले आफ्नै ९ वर्षकी छोरीलाई जबरजस्ती करणी तथा हाडनाता करुणी गरेको अभियोगमा बाबुलाइ जिल्ला न्यायधीश बासुदेव न्यौपानेको इजलासबाट जन्म कैद हुने ठहरी फैसला भएको निमित्त श्रेस्तेदार नारायण बहादुर भट्टराईले जानकारी दिए ।
निजले गएको साउन २ गते आफुनै ९ बर्षिय छोरीलाइ जबरजस्ती करणी गरेपछि उनी विरुद्ध मुद्धा दर्ता भएको थियो । १० बर्ष भन्दा कम उमेरका बालबालिकालाई जबरजस्ती करणी गरेमा कानूनमा व्यबस्था भए बमोजिम जन्म कैदको फैसला सुनाइएको जिल्ला अदालतका श्रेस्तेदार टेकराज गैरेले बताए ।
त्यस्तै सन्धिखर्कको डिभर्नामा ५ बर्षिय नातिनीलाई बलत्कार गर्ने हजुरबुबा लाई २० बर्ष कैद र ४० हजार जरिवानाको फैसला जिल्ला अदालतले गरेको सुचना अधिकारी गैरेले बताए ।
प्रतिक्रिया दिनुहोस !
