सिन्धुली : विपी राजमार्गअन्तरगत सिन्धुलीको गोलन्जोर गाउँपालिका ५ खनियाखर्कमा स्कारपियो दुर्घटना हुँदा एकजनाको मृत्यु भएको छ । मृत्यु हुनेमा कन्चनपुर नगरपालिका ६ सप्तरीका ३३ वर्षीय सूर्यनारायण चौधरी रहेका छन् । पूर्वबाट काठमाडौंतर्फ गइरहेको स १ च १००९ नम्बरको स्कारपियो जीप दुर्घटना हुँदा चौधरीको घटनास्थलमै मृत्यु भएको जिल्ला प्रहरी कार्यालय सिन्धुलीका प्रहरी नायव उपरीक्षक स्यामबहादुर खत्रीले जानकारी दिए ।
दुर्घटनामा स्कारपियोका चालक सोही ठाउँका ३० वर्षीय महमद अफरोज गम्भीर घाइते भएका छन् । उनलाई उद्धार गरी सिन्धुली अस्पतालमा उपचारका लागि ल्याइएको छ।
मृतक चौधरी कन्चनपुर नगरपालिका सप्तरीका सहलेखापाल हुन् । दुर्घटनाग्रस्त स्कारपियो सकडबाट झण्डै सय मिटर तल खसेको प्रहरीले जनाएको छ । तीव्र गतिका कारण स्कारपियो अनियन्त्रीत भइ दुर्घटना भएको प्रहरीको प्रारम्भिक अनुमान छ।
प्रतिक्रिया दिनुहोस !
