न्युजल्याण्डका पूर्वप्रधानमन्त्री माइक मुरेको आइतबार ७१ वर्षको उमेरमा निधन भएको छ । उनको आफ्नै निवासमा निधन भएको अधिकारीहरुले जनाएका छन् ।
उनको निधनप्रति प्रधानमन्त्री जसिन्दा एर्डेर्नले दुःख व्यक्त गरेका छन् । देशको व्यापारको क्षेत्रमा मुरेको ठूलो योगदान रहेको स्मरण उनले गरे ।
विश्व व्यापार सङ्गठन (डब्लुटिओ)लाई अन्तर्राष्ट्रियस्तरमा अहिलेको अवस्थामा पुर्याउन मुरेले नेतृत्वदायी भूमिका खेलेको पनि उनले उल्लेख गरे।
'हरेकले उनलाई न्युजल्याण्डका लागि र न्युजल्याण्डलाई विश्वसँग जोड्नका लागि जन्मेका भन्ने गरेका छन्', प्रधानमन्त्री जसिन्दाले भने ।
उनी सन् १९९० मा न्युजल्याण्डको ३४ औँ प्रधानमन्त्री बनेका थिए । सन् १९९९ मा डब्लुटिओको महानिर्देशकमा नियुक्त भएका थिए ।
प्रतिक्रिया दिनुहोस !
