रौतहट : पाँच दिनदेखि हराइरहेका रौतहटका एक युवक मृत अवस्थामा फेला परेका छन्। रौतहटको इशनाथ नगरपालिका-८ मनसरीका २० वर्षीय युवक एतेशामुलहक मृत फेला परेका हुन्। मोतीपुर नरकटीमा रहेको दिदीको घरबाट माघ १५ गते बेलुकी घर फर्किने क्रममा बाटोबाटै उनी सम्पर्कविहीन भएका थिए।
उनको शव सोमबार अकोलवा नजिकै नदीमा फेला परेको प्रहरीले जनाएको छ। मोटरसाइकलमा घर फर्कँदै गरेका युवकको मोटरसाइकल भने राजपुर नगरपालिकाको अकोलवा नजिकै खेतमा भेटिएको थियो।
उनको हत्या भएको आशंकामा प्रहरीले दुई जना युवती र तीन जना युवकलाई नियन्त्रणमा लिएर अनुसन्धान गरिरहेको छ। युवकको शव मोटरसाइकल फेला परेको स्थान भन्दा करिव एक किलोमिटर दक्षिण नदीमा फेला परेको जिल्ला प्रहरी कार्यालय रौतहटका डिएसपी नविन कार्कीले जानकारी दिए। ‘टाउकोमा चोट देखिएको छ, घटना शंकास्पद रहेकाले अनुशन्धान गरिरहेका छौं’ डिएसपी कार्कीले भने।
प्रतिक्रिया दिनुहोस !
