रुकुम : रुकुम पूर्वमा एक पुरुषले कुटपिट गरेर श्रीमतीको हत्या गरेका छन् । जिल्लाको भूमे गाउँपालिका–३ सीमाका ७५ वर्षीय नरबहादुर पुनले श्रीमतीलाई कुटपिट गरी हत्या गरेको प्रहरीले जानकारी दिएको छ ।
६० वर्षीया श्रीमती दिलमाया पुनको हत्या गरेको भन्दै प्रहरीले नरबहादुरलाई पक्राउ गरेको छ । माघ २६ गते मादक पदार्थ सेवन गरी दिलमायालाई कुटपिट गरेर हत्या गरेको भन्दै नरबहादुरलाई पक्राउ गरिएको जिल्ला प्रहरी कार्यालय रुकुम पूर्वका प्रमुख प्रहरी नायव उपरीक्षक गजुसिद्धि बज्राचार्यले जानकारी दिए ।
कुटपिटबाट गम्भीर घाइते भएकी दिलमायाको उपचारको क्रममा जिल्ला अस्पताल रुकुमकोटमा माघ २७ गते मृत्यु भएको थियो । पक्राउ परेका नरबहादुरलाई हिरासतमा राखेर अहिले घटनाको थप अनुसन्धान भइरहेको डिएसपी बज्राचार्यले बताए ।
प्रतिक्रिया दिनुहोस !
