बैतडी : बैतडीमा जिप दुर्घटना हुँदा दुई जना गम्भीर घाइते भएका छन् । आइतबार बिहान २ बजे पाटन नगरपालिका-३ बोहरीगाउँबाट डडेल्धुरा जादैं गरेको से १ ज २१३ नम्बरको जिप धुरामा दुर्घटनामा भएको बैतडीका प्रहरी प्रवक्ता तथा प्रहरी निरीक्षक किसन चन्दले जानकारी दिए ।
दुर्घटनामा जिप चालक पाटन नगरपालिका ८ का २३ वर्षीय लोकेश मडै र २६ वर्षीय गणेश महरा घाइते भएका छन् । घाइते दुवैको डडेल्धुरा अस्पतालमा उपचार हुन नसकेपछि थप उपचारका लागि धनगढी पठाइएको छ । जिपमा दुईजना मात्रै सवार रहेका थिए । जिप सडकबाट २०० मिटर तल खसेको जिल्ला प्रहरी कार्यालय बैतडीले जनाएको छ ।
प्रतिक्रिया दिनुहोस !
