गाडीको ठक्करबाट बृद्धको मृत्यु, विपी राजमार्ग अवरुद्ध

सिन्धुली : विपी राजमार्गमा गाडीले ठक्कर दिएर एक जनाको मृत्यु भएपछि स्थानीयले सडक अबरुद्ध गरेका छन् ।  सिन्धुलीको गोलन्जोर गाउँपालिका ७ तल्लोवारामा गाडीले ठक्कर दिँदा एक बृद्धको मृत्यु भएपछि स्थानीयले राजमार्ग अवरुद्ध गरेका हुन् ।  तल्लोवाराका ५० वर्षीय नन्दलाल श्रेष्ठलाई गाडीले ठक्कर दिदाँ मृत्यु भएको इलाका प्रहरी कार्यालय खुर्कोटले जनाएको छ । 

सोमबार बिहान करिब ५ बजेको समयमा गाडीले ठक्कर दिदाँ श्रेष्ठको मृत्यु भएको हो । ठक्कर दिने सवारी फरार रहेको कारण बिहान देखि विपी राजमार्ग अवरुद्ध भएको जिल्ला प्रहरी कार्यालय सिन्धुलीका प्रहरी नायक उपरिक्षक श्याम बहादुर खत्रीले जानकारी दिए ।

विपी राजमार्गमा चल्ने सवारी साधनले श्रेष्ठलाई ठक्कर दिएर मृत्यु भएका कारण स्थानीयले सडक अवरुद्ध गरी बिहान देखि विपी राजमार्गमा कुनै पनी सवारी साधन संचालन गर्न नदिएको गोलन्जोर गाउँपालिका वडा-७ का वडा अध्यक्ष रोम बहादुर देवकोटा(सुवास)ले जानकारी दिए।