बर्दिबास : दुर्घटनामा घाइते भएका नेकपा मालेका महासचिव सिपी मैनालीलाई उपचारका लागि नेपाली सेनाको हेलिकोप्टरबाट काठमाडौं लगिएको छ। भतिजीको विवाह सकेर झापाबाट छोरा, बुहारीसहित उनी काठमाडौं फर्किने क्रममा महोत्तरीको बर्दिबासस्थित कालपानीमा दुर्घटनामा परेका थिए।
दुर्घटनामा घाइते भएका नेता मैनालीका छोरा सरोज, बुहारी पूजा र रामप्रसाद पौडेललाई पनि सोही हेलिकोप्टरबाट काठमाडौं लगिएको इलाका प्रहरी कार्यालय बर्दिबास डीएसपी राजन चापागाईले जानकारी दिए।
झापाबाट काठमाडौं जाँदै गरेको बा ७ च २१२० नम्बरको कारलाई विपरित दिशाबाट आउँदै गरेको ना ४ च ७६६८ नम्बरको पिकअप भ्यानले ठक्कर दिँदा दुर्घटना भएको हो।
बुहारी पूजाको दुबै खुट्टा भाँचिएको छ । कार चालकको टाउको अनुहारमा चोट लागेको छ ।बर्दिबास जनसेवा हस्पिटलमा प्राथमिक उपचारपछि थप उपचारका लागि काठमाडौस्थित ग्राण्डी हस्पिटल रिफर गरिएको हो।
प्रतिक्रिया दिनुहोस !
