धनगढी : धनगढीको माया मेट्रो अस्पतालले सिटिस्क्यान सेवा सुरु गरेको छ ।सिटिस्क्यान सेवाको संघीय सरकारका उद्योग, वाणिज्य तथा आपूर्ति मन्त्री लेखराज भट्टले उद्घाटन गरेका हुन् ।
मन्त्री भट्टले प्रविधिको सहिरुपमा प्रयोग गर्न अस्पातललाई आग्रह गरे । स्वास्थ्य क्षेत्र सेवामुलक व्यवसाय भएका कारण सिटिस्क्यान सेवाले धैरैको जीवन जोगाउने विश्वस उनले व्यक्त गरे । ३ करोड लगानीमा सिटिस्क्यान सेवा सञ्चालनमा ल्याइएको हो।
सिटिस्क्यानका लागि प्रदेश बाहिर जानुपर्ने बाध्यताको अन्त्य गर्ने उद्देश्यका साथ उक्त सेवा सुरु गरिएको अस्पताल सञ्चालन समितिका अध्यक्ष धिरेन्द्र साउदले बताए । अस्पतालले ६४ स्लाइसको सिटिस्क्यान मेसिन सञ्चालनमा ल्याएको समितिका अध्यक्ष साउदले बताए ।
धनगढी नगरमै सिटिस्क्यान सेवा सञ्चालन भएपछि बाहिर जानुपर्ने बाध्यताको अन्त्य भएको धनगढी उप-महानगरपालिका प्रमुख नृपबहादुर वडले बताए । 'सिटिस्क्यान गर्नका लागि बिरामीले भारतसम्म पुग्नुपर्ने अवस्था थियो,' उनले भने,' अब केही हदसम्म भएपनि त्यसको अन्त्य भएको छ ।'
अस्पतालका रेडियोलोजी डाक्टर अशोक पन्तले उक्त मेसिनले एक्सरे र कम्प्युटरको सहयोगले शरीरका भित्री भागको अध्ययन गर्दछ।
प्रतिक्रिया दिनुहोस !
