काठमाडौं : जिल्ला ट्राफिक प्रहरी कार्यालय काभ्रेले चालकको स्वस्थ्य चेकजाँच सुरु गरेको छ । बनेपा हेल्थ केयर प्रा.लीको सहयोगमा जिल्ला ट्राफिक प्रहरी कार्यालयले बिहीबार चालकको स्वास्थ्य परीक्षण गर्न थालेको हो ।
कोरोना भाइरसको बारेमा सतर्कता अपनाइ सवरी चलाउन जोड दिन चालकको स्वस्थ्य जाँच गरिएको जिल्ला ट्रफिक प्रहरी कार्यलय काभ्रे प्रमुख प्रहरी निरीक्षक विशाल तामालङले जानकारी दिए ।
हामीले काभ्रेमा उच्च सतर्कता अपनाउन यस जिल्ला हुँदै चल्ने सवारी चालकको ज्वरो, रुघाखोकी, रक्तचाप, मधुमेह र सामान्य स्वस्थ्य चेक जाँच गरिएको प्रहरी निरीक्षक तामाङले भने । बिहीबार जिल्ला ट्राफिक प्रहरी र बनेपा हेल्थ केयरले संयुक्त रूपमा गरेको स्वस्थ्य परीक्षणमा दुई सय १७ जना चालकको सामान्य स्वस्थ्य चेकजाँच गरिएको जिल्ला ट्राफिक कार्यलयले जनाएको छ ।
स्वस्थ्य चेक गर्दै टिपर चालक विष्णु कार्कीले चालकको स्वस्थ्य चेकजाँच कार्यक्रम गरेर जिल्ला ट्राफिक प्रहरीले धेरै राम्रो काम गरेको बताए । टिपर चालकको लागि यो काम निकै नै महत्त्वपूर्ण भएको उनले उल्लेख गरे ।
अर्का बोलेरो चालक हरीबहादुर थापाले गाडी चलाएर फुर्सद नमिलेका चालकको स्वस्थ्य चेकजाँच कार्यक्रम देखेर खुशी भएको बताए । आफू साहुको गाडी लिएर कहिले कता कहिले कता गइरहने हुनाले चेक गर्ने फुर्सद नभएको र ट्राफिकले आफ्नो स्वस्थ्यबारेमा चासो लिएकोमा खुसी लागेको उनले बताए ।
चालकको स्वस्थ्य चेकजाँच कार्यक्रम नियमित मासिक संचालन गरिने जिल्ला ट्राफिक प्रहरी कार्यलय काभ्रेका प्रहरी सहयाक निरीक्षक भिमसेनविक्रम थापाले बताए । दैनिकरूपमा चालक तनाब बोक्दै सवरी चलाउने गरेको कारण दुर्घटना पनि न्यूनीकरण हुने भएकाले हामीले चालकको रक्क्तचाप चेकजाँचलाई जोड दिएको ट्राफिक प्रहरी थापाले भने ।
स्वस्थ्य परीक्षण कार्यक्रममा बनेपा हेल्थ केयरको तर्फबाट जिल्लामा कार्यरत ट्राफिक प्रहरीलाई उच्च प्रविधिको माक्स समेत वितरण गरिएको थियो ।
प्रतिक्रिया दिनुहोस !
