विषाक्त मदिरा पिएर ज्यान गुमाएका परिवारलाई क्रियाखर्च वितरण
चैत ४, २०७६ मंगलबार ११:१:०
महोत्तरी : विषाक्त मदिरा पिएर ज्यान गुमाएका धनुषाको रमदैयाका पीडित परिवारलाई प्रदेश सरकारले क्रियाखर्च वितरण गरेको छ ।प्रदेसभा सदस्य शत्रुधन महतोले प्रतिपरिवार १०÷१० हजार नगद वितरण गरेका हुन्।
होलीमा पिएको मदिराले रमदैयाका १४ जनाको मृत्यु भइसकेको छ । त्यसैरी जनकपुरमा पनि विषाक्त मदिरा पिएर ६ जना गरी धनुषामा २० जनाको ज्यान गइसकेको छ ।
यता, प्रदेश २ लाई मदिरा मुक्त गर्न माग गदै प्रदेशसभा सदस्य महतोले प्रदेशसभामा अत्यन्त जरुरी सार्वजनिक महत्वको प्रस्ताव पेश गरेका छन् ।
राहत वितरणमा पुगेका अर्का प्रदेशसभा सदस्य सारदा देवी थापाले मदिराको मारमा बालबालिका र महिला पर्ने गरेको भन्दै ज्यानमारा रक्सीको भट्टीलाई बन्द गराउनुपर्ने बताइन्।
प्रदेशसभा सदस्य गाउँ पुग्दा पीडित परिवार सहराविहिन भएको भन्दै रोएका थिए । प्रदेशसभा सदस्य महतो र थापाले पीडित परिवारलाई शान्तवना दिएका थिए। एउटै गाउँका १४ जनाको विषाक्त मदिराले ज्यान गएपछि गाउँ शोकमा डुबेको छ।
प्रतिक्रिया दिनुहोस !
