मलंगवा : सर्लाहीको चक्रघट्टा गाउँपालिका ८ औरहीमा ट्याक्टरले किचिएर एक युवकको मृत्यु भएको छ । सोही गाउँका परमेश्वर राउतका ३० वर्षीय छोरा शिवजी राउतको मृत्यु भएको जिल्ला प्रहरी कार्यालय सर्लाहीले जनाएको छ।
ज.१.त १६९१ नम्बरको ट्याक्टर वडा नं. ७ सगरदिनाबाट माटो झारेर औरहीतर्फ आउँदै थियो । बाटोमा ट्याक्टर पल्टिँदा ट्याक्टरमा सवार राउतको मृत्यु भएको हो । उनी ट्याक्टरमा माटो लोड गर्ने काम गर्थे । बागमती सिंचाइ आयोजनाको नहरको बाटोमा ट्याक्टर पल्टिँदा किचिएर घटना स्थलमै उनको मृत्यु भएको जिल्ला प्रहरी कार्यालय सर्लाहीका प्रहरी नायव उपरीक्षक मदन कुवँरले जानकारी दिए ।
ट्याक्टर राउत आफैँले चलाएका थिए कि चालक अर्कै थियो त्यो खुल्न नसकेको नायव उपरीक्षक कुवँरले बताए । घटनाबारे अनुसन्धान भइरहेको उनले जानकारी दिए ।
प्रतिक्रिया दिनुहोस !
