बेंसीसहर : नोबेल कोरना भाइरस (कोभिड १९) संक्रमणबाट बच्न लागु गरिएको लगडाउनलाई जिल्लाका होमस्टे गाउँहरुले कडाइका साथ लागु गरेका छन् । गाउँमा पर्यटक आउन रोकेका छन् भने, पर्यटक राख्नेलाई जरिवाना समेत तोकेका छन् ।
क्व्होँलासोँथर गाउँपालिकामा रहेको सार्क राष्ट्रको नमूना स्मार्ट भिलेज घलेगाउँ होमस्टेमा पर्यटक राखे ५० हजार रुपैयाँसम्म जरिवाना तोकिएको छ। पर्यटन व्यवस्थापन समितिले होमस्टेमा पर्यटक राख्नेलाई २० देखि ५० हजार रुपियाँसम्म जरिवना गर्ने चेतावनी दिएको हो ।
‘लकडाउनको बेला पनि पर्यटक जीप चढेर आएका छन्’, घलेले भने, ‘यहाँ आउनेलाई तुरुन्तै फर्काएका छौं, अब गाउँमा आउने पर्यटकलाई नराख्न उर्दी जारी गरेका छौं ।’ २०५७ सालदेखि १० घरबाट होमस्टे सुरु गरिएको घलेगाउँमा अहिले ३७ घरमा होमस्टे छ ।
यस्तै मस्र्याङ्दी गाउँपालिका–५ खानीगाउँमा रहेको रकगार्डेन होमस्टेमा पनि पर्यटक आउन नरोकिएको भन्दै स्थानीयले चिन्ता व्यक्त गरेका छन् । होमस्टे व्यवस्थापन समितिका अध्यक्ष कामसार्की गुरुङले अर्को सूचना जारी नभएसम्म पर्यटकलाई गाउँ नआउन अनुरोध गरेका छन् । जिल्लामा रहेका काउलेपानी, भुजुङ, सिउरुङ, राइनासलगायतका होमस्टेले पनि पर्यटक आउन रोक लगाएको बताएका छन्।
प्रतिक्रिया दिनुहोस !
