रोल्पा : रोल्पाबाट कोरोना परीक्षणका लागि पठाइएकाको रिपोर्ट नेगेटिभ आएको छ। रेउघा अस्पतालमा आइसोलेसनमा राखेर उपचार गरिँदै आएका दुई र होम क्वारेन्टाइनमा रहेका सुनिल स्मृति गाउँपालिका-१ घोडागाउँका दुईजनाको थ्रोड स्वाबको नमूना परीक्षणबाट रिपोर्ट नेगेटिभ आएको रेउघा अस्पतालकी प्रमुख डा. धनमाया घर्तिमगरले जानकारी दिए।
शनिबार भारतबाट फर्किएका तीन जना र इट्टाभट्टाबाट फर्किएका एकजनाको कोरोना परीक्षणका लागि स्वाब पठाइएको थियो। इट्टाभट्टाबाट फर्किएका रोल्पा नगरपालिका-६ कोटगाउँका ५८ वर्षीय पुरुषको चैत्र १३ गतेदेखि आइसोलेसनमा राखेर उपचार भइरहेको थियो। भारतबाट फर्किएका सुनिलस्मृति गाउँपालिका-४ का ७३ वर्षका वृद्धलाई बिहीबार अस्पताल ल्याई आइसोलेसनमा राखिएको थियो। उनीहरुमा कडा ज्वोरो आएको थियो।
भारतबाट चैत्र १० गते फर्किएका घोडागाउँका २८ वर्षीय बाबु र पाँच वर्षीय छोरीको घरमै पुगेर थ्रोड स्वाब लिएर जाँचका लागि पठाइएको थियो। बाबुछोरीकै रिपोर्ट नेगेटिभ आएको सुलिचौर प्राथमिक स्वास्थ्य केन्द्रकी इन्चार्ज डा. प्रकृति भट्टराईले जानकारी दिए।
प्रतिक्रिया दिनुहोस !
