रौतहट : रौतहटको चन्द्रपुर ६ स्थित क्वारेन्टाइनमा रहेका ५४ जनामध्ये ५० जनाको स्वाब परीक्षणका लागि मंगलबार संकलन गरिएको छ । यसअघि क्वारेन्टाइनमा बसेका १७ जनाको परिक्षण गरिएको थियो । उनीहरुको रपिोर्ट नेगेटिभ आएको छ ।
जनकपुरबाट आएका स्वास्थ्यकर्मीहरूले क्वारेन्टाइनमा रहेका ५० जनाको स्वाबको नमुना संकलन गरेका क्वारेन्टाइनमा खटिएका चन्द्रनिगाहपुर अस्पतालका स्वास्थ्यकर्मी मातृका चालिसेले जानकारी दिए । संकलन गरिएको नमुना जनकपुरमा पहिलो चरण परीक्षण हुने र त्यसपछि काठमाडौंमा पुन परीक्षण गरी रिर्पोट आउने बताइएको छ । ५० वटा मात्रै किट आएकाले चारजनाको पछि नमुना संकलन गरिने जनाइएको छ ।
चन्द्रपुर ६ मा रहेको महलिा फुटबल एकेडेमीको भवनमा चन्द्रपुर, बृन्दाबन, गुजरा र गढीमाई नपाका विदेशबाट आएका ५४ जना मानिसलाई राखिएको छ । एकसय जना राख्न मिल्ने सो भवनमा दुईजना महिला र अन्य ५२ जना पुरुषलाई राखिएको छ ।
त्यहाँ बस्नेका लागि खानाको व्यवस्था क्याटरीङ्गमा गरिएको छ । वाइफाइ, खानेपानी, शौचालयको उचित व्यवस्था गरीएको इलाका प्रशासन कार्यालय चन्द्रनिगाहपुरका उपसचिव चेतराज बरालले बताए। उनीहरूको स्वास्थ्यको रिर्पोट आएपछि थप केही दिन राख्ने वा घर पठाउने निर्णय गरिने समेत उनले बताए ।
क्वारेन्टाइनमा बस्नेहरु लाइ कुनै किसीमको असुबिधा हुन नदिने चन्द्रपुर नपाका मेयर रामचन्द्र चौधरीको भनाइ रहेको छ । क्वारेन्टाइन संचालनका लागि चारवटा नगरपालिकाले ५० लाख रकम छुट्याएका छन् ।
प्रतिक्रिया दिनुहोस !
