बाजुरा : बुढिनन्दा नगरपालिका ९ अगाउपानीस्थित स्थानीयको घरमा आगलागी हुँदा एक बालिकाको मृत्यु भएको छ । मृत्यु हुनेमा दलबहादुर बोगटीकी ४ वर्षीया छोरी आर्सना बोगटी रहेको जिल्ला प्रहरी कार्यालयका प्रवक्त दानबहादुर रोकायाले जनकारी दिए।
बुधबार दिउँसो बालिका घरमा खेलिरहेको समयमा गोठमा राखिएको परालमा आगलागी हुँदा आर्सनाको मृत्यु भएको बुझिएको प्रवक्त रोकायाले जानकारी दिएको छ । आगो स्थानीय मानिसको सहयोगमा नियन्त्रण आएको थियो।
बुढिनन्दा प्रहरी चौकीबाट प्रहरी टोली घटनास्थल पुगेर घटनाको विवरण संकलन गर्न जिल्ला प्रहरी कार्यालयबाट प्रहरी उपरीक्षक दानबाहादुर रोकायाको टोली गएको छ।घटनाको थप विवरण आउन बाँकी छ।बालिकाको शव पोष्टमार्टमाका लागि बुधबार राती नै जिल्ला अस्पताल बाजुरामा ल्याएको बुझिएको छ।
प्रतिक्रिया दिनुहोस !
१
