कोरोना संक्रमितको अवस्था बुझ्न मुख्यमन्त्री गुरुङ बागलुङमा
चैत २८, २०७६ शुक्रबार ११:२:०
बागलुङ : जिल्लाका दुई संक्रमितको अवस्था बुझ्न गण्डकी प्रदेशका मुख्यमन्त्री पृथ्वीसुब्बा गुरुङ बागलुङ आएका छन् । बिहीबार मात्र मुख्यमन्त्री कार्यालयबाटै टेलिफोनमार्फत पछिल्लो स्वास्थ्य अवस्थाबारे जानकारी लिएका मुख्यमन्त्री गुरुङ शुक्रबार आफै अस्पताल भेट्न आएका हुन् ।
उनले बिहीबार धौलागिरी अस्पतालको आइसोलेशन कक्षमा उपचाररत बागलुङ नगरपालिका ४ की १९ वर्षीया युवतीसँग टेलिफोनबाट स्वास्थ्य अवस्था र चिकित्सकले गर्ने हेरचाह लगायतका विषयमा जिज्ञासा राखेका थिए । किशोरीलाई डाक्टर हेर्न आउँछन् कि आउँदैनन् भन्ने प्रश्नमा नर्स आउने तर डाक्टर नआउने गरेको बताएकी थिइन् ।
त्यसको भोलीपल्टै मुख्यमन्त्री गुरुङ बागलुङ आएका हुन् । धौलागिरी अस्पतालमा बानपा ३ की अर्की ६५ वर्षीया महिला पनि उपचाररत छन् । अहिले मुख्यमन्त्रीको संक्रमित र चिकित्सकबीच छलफल भइरहेको अस्पताल व्यवस्थापन समितिका अध्यक्ष केवी रानाले बताए ।
प्रतिक्रिया दिनुहोस !
