दोलखा : कोरोना भाइरस संक्रमण हुन नदिन क्वारेन्टाइनमा राखिएका र विदेशबाट आएकाहरूमा संक्रमणको अवस्था जाँच गर्ने ३०० सय थान र्यापिड टेष्ट कीट जिल्ला आइपुगेको छ । संघीय सरकारको स्वास्थ्य मन्त्रालयले पठाएको ३०० थान र्यापिड टेष्ट कीट जिल्ला आइपुगेको स्वास्थ्य कार्यालय दोलखाका प्रमुख एवम् जिल्ला विपद् व्यवस्थापन समितिका सूचना अधिकारी विभुकुमार झाले जानकारी दिए ।
समितिको बैठक बसेर ती कीट आवश्यकताका आधारमा स्थानीय तहलाई वितरण गरिने सूचना अधिकारी झाले जनाए । भारत लगायत तेस्रो मुलुकबाट जिल्ला भित्रिएकामध्ये १४ देखि २१ दिन पुगेकाको रगतको नमूना संकलन गरी संक्रमणको अवस्था जाँच गर्नको लागि र्यापिड टेष्ट कीट प्रयोग हुने गरेको सूचना अधिकारी झाले जानकारी दिए । टेष्टको रिपोर्ट पोजेटिभ आयो भने उपचारको लागि सम्वन्धित अस्पतालनमा पठाइने उनको भनाइ छ ।
प्रतिक्रिया दिनुहोस !
