बेंसीसहर : लमजुङका सबै स्थानीय तहमा कोरोना भाइरस संक्रमणको द्रुत परीक्षण (र्यापिड टेस्ट) सुरु गरिएको छ । जिल्लास्थित कमाण्ड पोस्टका अनुसार सोमबारसम्म १ सय ८ जनाको परीक्षण गरिएको छ । प्रशासनका अनुसार आइतबार ६६ र सोमबार ४२ जनाको परीक्षण गरिएको हो ।
परीक्षण गरिएकामा ९१ पुरुष र १७ जना महिला रहेका छन् । प्रमुख जिल्ला अधिकारी लक्ष्मणबहादुर खड्काले मस्र्याङ्दी गाउँपालिकामा २१ पुरुष र ६ महिला गरी २७ जनाको परीक्षण गरिको बताए ।
बेंसीसहर नगरपालिकामा १० पुरुष र दुई महिला गरी १२ जना, मध्यनेपाल नगरपालिकामा १० पुरुष र दुई महिला गरी १२ जना, राइनास नगरपालिकामा ११ पुरुष र चार महिला गरी १५ जनाको र्यापिड परीक्षण गरिएको छ । सुन्दरबजार नगरपालिकामा १३ जना पुरुष, दोर्दी गाउापालिकामा ६ पुरुष र एक महिला गरी सात जनाको परीक्षण गरिएको छ । दूधपोखरी गाउापालिकामा १४ पुरुष एक महिला गरी १५ जना र क्व्होलासोंथर गाउापालिकामा ६ जना पुरुष र १ महिलाको कोरोना परीक्षण गरिएको छ ।
स्वास्थ्य कार्यालय प्रमुख अमर दवाडीले परीक्षण गरिएका १ सउ ८ जनाकै रिपोर्ट शंकास्पद नदेखिएको बताए । चैत १ गतेदेखि जिल्लामा विदेशबाट आएका स्थानीय तथा भारतीयको टेस्ट गरिएको छ । चैत १ गते यता जिल्लामा २ सय ८० जना विदेशबाट आएका थिए । उनीहरुको खोजी खोजी टेष्ट गरिने भएको छ । लमजुङमा र्यापिड टेस्टका लागि पोखराबाट १ सय ६९ थान आरडीटी किट आएको थियो ।
कोरोना परीक्षणका लागि बेंसीसहर नगरपालिकाको लक्ष्मीनारायाण बालमन्दिर, सुन्दरबजार नगरपालिकाको सर्वोदय मावि र लमजुङ कृषि क्याम्पस, मध्यनेपाल नगरपालिकाको इशानेश्वर क्याम्पस, राइनास नगरपालिकाको शौभाग्यदय मावि र शैलपुत्री मावि, मस्र्याङदी गाउँपालिकालको अमर मावि खुदी, जटेश्वर आधारभूत विद्यालय र प्रेम मिलन मावि, दोर्दी गाउँपालिकाको चैतन्योदय सत्य मावि र फलेनी मावि, दूधपोखरी गाउँपालिकाको गौंडा, इलमपोखरी, र विचौरमा परीक्षण हुने छ ।
साथै, क्व्होलासोंथर गाउँपालिको थल्जुकन्या प्रावि र घलेउत्तरकन्या मावि बगुममा हुने छ । विदेशबाट आएका १४ दिनदेखि २१ दिनसम्मको अवधि भएका व्यक्तिको परीक्षण गरिने छ । उनीहरुको किटमार्फत कोरोना संक्रमण सम्भावित भए नभएको बारे स्क्रिनिङ गरिने छ । स्क्रिनिङमा थप आशंका देखिएमा थ्रोट स्वाब लिएर परीक्षणका लागि पोखरा पठाइने प्रजिअ खड्काले बताए ।
प्रतिक्रिया दिनुहोस !
