मलंगवा : सर्लाहीको मलंगवा नगरपालिका–६ खुटौनामा जंगली बँदेलको टोकाइबाट ३ जना घाइते भएका छन् । घाइते हुनेहरुमा दुखा रामका १८ वर्षीय छोरा रमेश राम, उपेन्द्र साहकी १३ वर्षीया छोरी काजल साह र २८ वर्षीय विजय साह रहेको जिल्ला प्रहरी कार्यालय सर्लाहीले जनाएको छ ।
प्रहरीका अनुसार रामको दाहिने तिघ्रामा बँदेलले टोकेको छ । उनको अहिले सर्लाही अस्पताल मलंगवामा उपचार भइरहेको छ । बाँकी दुईजनाको स्थानिय मेडिकलमा उपचार भइरहेको प्रहरी नायब उपरीक्षक मदन कुँवरले जानकारी दिए । खेतमा काम गर्न गएको समयमा उनीहरुलाई बँदेलले टोकेको हो ।
प्रतिक्रिया दिनुहोस !
