दाङमा क्यारेन्टाइन : कतै सुविधा सम्पन्न, कतै अस्तव्यस्त
![दाङमा क्यारेन्टाइन : कतै सुविधा सम्पन्न, कतै अस्तव्यस्त](https://annapurnapost.prixacdn.net/media/albums/dang-quarantine1_20200420065630_7bDkPL4tey.jpg)
दाङ : दाङमा कोरोना रोकथामका लागि सञ्चालन भएका कोरोना कोरोना क्यारेन्टाइन कतै सुविधा सम्पन्न त कतै अस्तव्यस्त रहेको पाइएको छ।स्थानीय सरकार, समुदाय, प्रदेश सरकारले सञ्चालन गरेका क्वारेन्टाइन र आइसोलेसनमा यस्तो अवस्था देखिएको हो ।
जिल्लाका सबै स्थानीय तहले क्यारेनटाइन सञ्चालन गरेका छन् भने केही समुदायस्तरबाट समेत सामुदायिक क्यारेन्टाइन सञ्चालन गरिएको छ । त्यस्तै प्रदेश सरकारले कोराना विशेष अस्पताल निर्माण गरेर आइसोलेसन कक्ष व्यवस्थापन गरेको छ । स्थानीय सरकारले सञ्चालन गरेका क्यारेन्टाइन अधिकांश सरकारी मापदण्ड अनुसार छैन । फितलो व्यवस्थापनले अस्तव्यस्त रहेको पाइएका छन् ।
कति स्थानीय सरकारले सञ्चालन गरेका क्यारेन्टाइन भने व्यवस्थित आधुनिक र सुविधा सम्पन्न अवस्थाका छन् । सरकारी मापदण्ड अनुसारका क्यारेन्टाइन सञ्चालन भएको र क्यारेन्टाइन सञ्चालनका लागि विभिन्न निकायको समेत सहयोग रहेको तुलसीपुर उपमहानगरपालिका स्वास्थ्य महाशाखाका फोकलपर्सन जनस्वास्थ्य निरीक्षक विमल केसीले बताए ।
कतिपय स्थानीय तहका स्वास्थ्य शाखाले देशबाहिरबाट आएकालाई र होम क्यारेन्टाइनमा बसेकालाई घरमै पुगेर परामर्स समेत दिने गरेका छन्। घर समाज र व्यक्तिलाई सुरक्षित रहन र सकारात्मक सन्देश प्रवाह गर्न घरघर पुगेर परामर्स दिइराखिएको स्वास्थ्य कर्मीहरुले बताएका छन्।
जिल्लामा सामुदायिक क्यारेन्टाइन पनि सञ्चालनमा छन् । ती क्यारेनटाइनमा पनि स्थानीय सरकार र समुदायको सहयोग रहि रहेको जनस्वास्थ्य निरीक्षक विमल केसीले बताए। सामुदायिक क्यारेन्टाइनमा बसेकाले भने घरबाटै सबै व्यवस्थापन भएको भन्दै स्थानीय सरकारले नहेरेको बताएका छन्। दाङमा ८४ जना क्यारेन्टाइनमा रहेका छन्। ४ जना आइसोलेसनमा रहेका छन्। जिल्लामा १६६ आइसोलेसन बेड र २७३ क्यारेन्टाइन बेड रहेका छन्।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)