कालिकोट : जिल्लाको तिलागुफा नगरपालिका वडा नं. ९ भात्तडीमा फेला परेका गिर्नेट र सकेट बम प्रहरीले डिस्पोज गरेको छ । आइतबार स्थानीयले आटीको जग खन्दै गर्दा फेला परेका ती बम सोमबार प्रहरीले डिस्पोज गरेको हो ।
स्थानीय दुर्गा कोइरालाका अनुसार वनमा आगलागी हुँदा स्थानीय जययाखर कोइरालाको जलेको आडी पुन निर्माण गर्न जग खन्दै गर्दा दुई वटा बम फेला परेका थिए । आटीको पुन निर्माण गर्न जग खन्दै गर्दा बम फेला परेपछि स्थानीय त्रसित भएका थिए । आइतबार बेलुका बम फेला परेपछि स्थानीयले प्रहरीलाई जानकारी दिएका थिए । जिला प्रहरी कार्यालयबाट खटिएको प्रहरीको टोलीले सोमबार ती बमहरुको डिस्पोज गरेको छ ।
जिल्ला प्रहरी प्रमुख डिएसपी श्यामबाबु ओलीयाले तिलागुफाको भात्तडीमा जयखर कोइरालाको पुरानो भत्किएको आटी पुन निर्माण गर्दा फेला परेका गिर्नेट र सकेट बम प्रहरीले डिस्पोज गरेको जानकारी दिए । उनले भने, 'धेरै वर्ष पहिले जलेको आटी रहेछ । ती बमहरु पनि पहिले कै हुन् । तत्कालीन विद्रोही माओवादीको द्वन्द्वको बेला राखेका हुन सक्ने प्रहरीको अनुमान छ ।
प्रतिक्रिया दिनुहोस !
