रौतहटमा दुई जनामा कोरोना पुष्टि : संक्रमितको संख्या ५४ पुग्यो

रौतहटमा दुई जनामा कोरोना पुष्टि : संक्रमितको संख्या ५४ पुग्यो

काठमाडौं : मंगलबार रौतहटका दुई जनामा कोरोना भाइरस (कोभिड-१९) पुष्टि भएसँगै संक्रमितको संख्या ५४ पुगेको छ। 

राष्ट्रिय जनस्वास्थ्य प्रयोगशाला, टेकुमा गरिएको स्वाब परीक्षणमा रौतहटका दुई पुरुषमा कोरोना पोजिटिभ देखिएको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले जानकारी दिए ।  मन्त्रालयका अनुसार अहिले उनीहरुसँग सम्पर्कमा आएका व्यक्तिको बारेमा जानकारी लिने काम सुरु भएको छ। 

संक्रमित दुवैजना रौतहटको बृन्दाबन र देवाही गोनाही नगरपालिकाका हुन्। संक्रमित वृन्दावन नगरपालिका-९ भुषाहटोलका २५ वर्षीय युवक र  देवाही गोनाही १ करुनिया टोलका ३५ वर्षीय पुरुषमा रहेको मन्त्रालयले जनाएको छ। 

बृन्दाबन ९ का संक्रमित युवकलाई रौतहटको चन्द्रपुर नगरपालिका-६ स्थित क्वारेन्टाइनमा १४ दिन  राखेर घर फर्काइएको थियो। उनी कतकत्ता बाट घर आएका थिए। जनकपुरको ल्याबमा परीक्षण गर्दा नेगेटिभ आएपछि उनी वैशाख ६ गते घर गएका थिए। देवाही गोनाहीका संक्रमित पुरुष भने क्वारेन्टाइनमै बस्दै आएका थिए। उनी दिल्लीबाट वैशाख ४ गते घर आएका हुन्।

मंगलबारसम्म ५४ हजार ८ सय २६ कोरोना नमूना परीक्षण भएका छन्। जसमध्ये पीसीआरबाट १० हजार ८ सय ७ र आरडीटी प्रविधिबाट ४४ हजार १९ वटा नमूना परीक्षण भएको स्वास्थ्य मन्त्रालयले जनाएक छ। गत २४ घन्टामा नयाँ १ हजार १ सय ९३ वटा नमूना परीक्षण भएका छन्।

सातवटै प्रदेशमा आरडीटी परीक्षण भइरहेको छ। प्रदेश १ मा ४ हजार ८ सय २८, प्रदेश २ मा ५ हजार २ सय ४९, बागमतीमा ८ हजार १४ , गण्डकीमा ४ हजार ९ सय ३६, प्रदेश ५ मा  ५ हजार ३ सय २८,कर्णाली प्रदेशमा ५ हजार १ सय ८१ र सुदूरपश्चिम प्रदेशमा १२ हजार २ सय ८३ वटा आरडीटी नमूना परीक्षण भइसकेका छन्।

यस्तै, सातवटै प्रदेशका क्वारेन्टाइमा बस्नेहरुको संख्या २२ हजार ९९  पुगेको छ। प्रदेश १ मा १ मा २ हजार २ सय८८, प्रदेश २ मा १ हजार ५ सय१२ ,बागमतीमा ३ सय ६१, गण्डकीमा ६ सय ७६,प्रदेशमा ५ मा १२ हजार १ सय ६४, कर्णाली प्रदेशमा ३ हजार ७ सय ८९ र सुदूरपश्चिम प्रदेशमा १ हजार ३ सय ९जना क्वारेन्टाइनमा छन्।
यस्तै आसोलेसनमा १०७ जना छन्। जसमध्ये काठमाडौंमा ४ र उपत्यका बाहिर १०३ जना छन्।रेडजोनमा ३०९ जना रहेका छन्।

 


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.