काठमाडौँ : इजरायलमा रहेका नेपालीहरुबारे चिन्ता नलिन त्यहाँका राष्ट्रपति रुभेन रिभ्लिनले प्रधानमन्त्री केपी ओलीलाई भनेका छन् ।
बिहीबार प्रधानमन्त्री ओली र इजरायलका राष्ट्रपतिबीच भएको टेलिफोन कुराकानीको क्रममा रुभेनले यस्तो भनेका हुन् । प्रधानमन्त्री ओलीले यसबारे जानकारी गराएका छन् । उनले ट्वीट गर्दै यसबारे जानकारी गराएका हुन् ।
प्रधानमन्त्री ओलीले लेखेका छन्, ‘आज मेरो इजरायलका महामहिम राष्ट्रपतिसँग टेलिफोन संवाद भयो। मैले त्यहाँ रहेका नेपालीको सुरक्षा र कल्याणको बारेमा चासो राखें । उहाँले नेपालीहरू आफन्तजस्तै बसेका हुँदा चिन्ता नलिन भन्नुभयो ।’
प्रधानमन्त्री ओलीका अनुसार इजरायलमा रहेका नेपालीहरुलाई त्यहाँका राष्ट्रपतिले आफन्त जस्तै गरी बसेका छन् । प्रधानमन्त्री ओलीले यसअघि दुबइ, साउदी, कतार लगायत देशमा रहेका नेपालीहरुको अवस्थाबारे पनि त्यहाँका राष्ट्रप्रमुखसँग कुराकानी गरी चासो देखाएका थिए । कोरोना महामारीका कारण विभिन्न देशमा दशौँ लाखको संख्यामा रहेका नेपाली कामदार काममा जान सकेका छैनन्, सरकारले पनि उनीहरुलाई स्वदेश फर्काउन सकेको छैन ।
प्रतिक्रिया दिनुहोस !
