चरिकोट : शुक्रबार बिहान भीमेश्वर नगरपालिका-१, सुष्पाक्षमावतीको रामेडाँडामा ट्रक र बाइक ठोक्किदा बाइक चालक गम्भीर घाइते भएका छन् । बिहान साढे ७ बजे सिंगटीतर्फ जाँदै गरेको बा ५१प २५०८ नम्बरको ट्रकसँग बिपरित दिशाबाट आईरहेको ना२ख ४४६८ नम्बरको बाईक ठोक्किँदा बाईक चालक कालिञ्चोक गाउँपालिका-९, सुन्द्रावतीका करिब २४ वर्षीय शिव थामी गम्भीर घाइते भएका हुन् ।
घाइते थामीको टाउकोमा गहिरो चोट लागेको दोलखाका प्रहरी प्रवक्ता निरीक्षक रेशम बोहराले जानकारी दिए । घाइतेलाई प्राथमिक स्वास्थ्य केन्द्र चरिकोटमा उपचार भइरहेको प्रहरीले जनाएको छ ।
ट्रक र चालकलाई नियन्त्रणमा लिएर थप अनुसन्धान भइरहेको प्रहरीले जनाएको छ।
प्रतिक्रिया दिनुहोस !
